ریاستی جنرل سیکرٹری اور جموں پارلیمانی نشت کے پارٹی امیدوار منیش سہنا نے سرینگر میں ایک پریس کانفرنس کی۔
منیش سہنا نے نام لیے بغیر کہا کہ یہاں کی تمام سیاسی پارٹیاں اپنے سیاسی مقاصد کے لیے جموں اور کشمیر کے لوگوں کو ہندو مسلم کے نام پر ایک دوسرے کے مابین نفرت پھیلانے کی کوششوں میں لگے رہتے ہیں۔ جو کسی بھی صورت ریاست کے مفاد میں نہیں ہے ۔
تاہم انہوں نے کہا کہ تمام سیاسی پارٹیاں کو اس طرح کےہتھکنڈوں سے باز آنا چاہئے اور جموں اور کشمیر کی ترقی کے لیے آپسی بھائی چارے کے اتحاد کو قائم رکھنے کے لیے اپنی توجہ مرکوز کرنی چائیے ۔
اس دوران شیو سینا کی جموں اکائی نے بانڈی پورہ میں تین سالہ بچی کے ساتھ عصمت دری کے واقع کو افسوس سے تعبیر کرتے ہوئے ملوث شخص کو پھانسی دینے کی مانگ کی ۔
پریس کانفرنس کے دوران سرینگر سیٹ کے پارٹی امیدوار عبدل خالق بٹ اور جموں پارلیمانی سیٹ کی خاتون امیدوار میناکشی چیبر اور پارٹی کے دیگر کارکنان نے بھی شرکت کی۔
