President Muncipal Council Budgam 'الیکشن سے قبل میونسپل کونسل کی نئی حد بندی کی ضرورت'

ضلع بڈگام کے میونسپل کانسل کے صدر مشتاق احمد نے وادی میں ہونے والے انتخابات سے قبل میونسپل کونسل کی حد بندی ضروری ہے۔ انہوں نے کہا کہ حدد بندی کے کاموں کو جلد سے جلد شروع کیا جانا چاہیے۔

بڈگام:مرکز کے زیر انتظام یوٹی جموں و کشمیر کے ضلع بڈگام کے میونسپل کانسل کے صدر مشتاق احمد نے وادی میں ہونے والے بلدیاتی انتخابات سے قبل میونسپل کونسل کی از سر نو حد بندی ضروری ہے۔ انہوں نے حدد بندی کے کاموں کو جلد سے جلد شروع کرنے کی ضرورت پر زور دیا۔ انہوں نے کہا کہ متعلقہ عہدیداروں کو اس کے لئے جلد سے جلد کوئی قدم اٹھانا چاہیے۔ اس دوران میونسپل کونسل بڈگام کے صدر مشتاق احمد نے میڈیا سے خطاب کرتے ہوئے کہا کہ الیکشن سے قبل میونسپل کونسل حدود میں حد بندی کی ضرورت ہے۔ اس دوران انہوں نے کہا کہ حال ہی میں ڈاکٹر فاروق عبداللہ کی قیادت میں ہوئی آل پارٹی میٹنگ سے انہیں کافی امیدیں تھیں مگر انہوں نے صرف اپنے مفادات کو لیکر بات کی اور میونسپل کونسل علاقوں کی کوئی بات نہیں کی۔

انہوں نے مزید کہا کہ وہ بھی اسمبلی الیکشن چاہتے ہیں مگر اس سے قبل میونسپل کونسل علاقوں میں حد بندی کرانے کی ضرورت ہے۔ انہوں نے کہا کہ جب سے ہماری کونسل بنی ہے، اس میں کوئی تبدیلی نہیں ہوئی اور اسٹاف کی کمی کی وجہ سے ان کو کافی پریشانی ہوتی ہے۔ انہوں نے سرکار سے اپیل کی کہ پہلے میونسپل کونسل حدود میں حد بندی ہونی چاہیے اور پھر انتخابات ہونے چاہیے۔