جنوبی کشمیر میں ضلع شوپیاں کے ریڈ زونز علاقوں میں کام کر رہی آشا ورکرز میں ایک مقامی سماجی کارکن کی جانب سے حفاظتی کٹس تقسیم کیے گئے۔
ضلع شوپیاں میں بحیثیت سماجی کارکن کام کر رہے مبارک احمد صوفی نے آشا ورکرز کو حفاظتی کٹس فراہم کیے۔
اس موقع پر انکا کہنا تھا کہ آشا ورکرز ریڈ زونز میں جاکر گھر گھر سروے کرتی ہیں جس کے سبب انکو کورونا وائرس سے متاثر ہونے کا خطرہ لاحق رہتا ہے۔
سماجی کارکن کے مطابق آشا ورکرز کی حفاظت کو مد نظر رکھتے ہوئے ہی ان میں حفاظتی سامان فراہم کیا گیا۔ انکے مطابق ابھی تک کئی ڈاکٹرز اور دیگر طبی عملہ بھی کورونا وائرس سے متاثر ہو چکے ہیں۔
انہوں نے بتایا کہ وائرس کے خلاف جنگ میں محکمہ صحت جن میں ڈاکٹرز، میڈکل اسٹاف اور آشا ورکرز بھی شامل ہیں فرنٹ لائن ورکرز ہیں تاہم انکے مطابق ’’کورونا وائرس کے خلاف لڑائی میں آشا ورکرز کو نظرانداز کیا جا رہا ہے اور انکے تحفظ کی جانب کوئی خاطر خواہ توجہ نہیں دی جا رہی۔‘‘
