اننت ناگ میں بجلی ملازمین کا احتجاج

محکمہ بجلی میں عارضی ملازمین کے طور پر کام کررہے لوگوں نے اپنے مطالبات کو لے کر آج اننت ناگ احتجاج کیا۔

جموں و کشمیر کے اننت ناگ میں محکمہ بجلی کے عارضی ملازمین نے اپنے مطالبات کو لے کر آج احتجاج کیا۔

مظاہرین کا کہنا ہے کہ وہ کئی برسوں سے مذکورہ محکمہ میں کام کر رہے ہیں۔ تاہم اب تک انہیں مستقل نہیں کیا گیا۔ جبکہ سابقہ حکومت کی جانب سے کئی بار مستقل کرنے کی یقین دہانی کرائی گئی لیکن آج تک مستقل نہیں کی گئی۔

دیگر ملازمین کے مطابق محکمہ میں کچھ لوگ کام کے دوران ہلاک بھی ہو چکے ہیں لیکن آج تک ان کو تنخواہوں سے محروم رکھا گیا ہے۔

احتجاجیوں نے کمپنی کے خلاف بھی زبردست ناراضگی کا اظہار کیا۔ اور ڈیوٹی کے دوران جاں بحق ہوئے عارضی ملازمین کی باز آبادکاری کا بھی مطالبہ کیا۔