منشیات کے خلاف مہم جاری

جنوبی کشمیر کے اونتی پورہ علاقے میں برگ پوست (خشخاش)  کی غیر قانونی کاشت کے خلاف انتظامیہ نے  جنگ جاری رکھتے ہوئے کئی کنال اراضی پر پھیلی خشخاش کی فصل کو تباہ کر دیا۔

اس سلسلے میں آج ایس ڈی پی او اونتی پورہ اعجاز چودھری اور تحصیلدار اونتی پورہ زبیر احمد کی قیادت میں ایک ٹیم نے چرسو، پدگام پورہ اور دوسرے دہیات میں بڑے پیمانے پر کاشت کی گئی خشخاش کی فصل کو تباہ کر دیا۔

ایس ایس پی اونتی پورہ طاہر سلیم نے میڈیا کو بتایا پولیس ڈسٹرکٹ اونتی پورہ کو منشیات سے پاک بنانے کے لیے ہر طرح کے ممکنہ اقدامات کئے جا رہے ہیں اور اس سلسلے میں عوام کو اپنا تعاون پیش کرنا چاہے۔