ڈرینیج سسٹم تعمیر کرنے کا مطالبہ

شمالی کشمیر کے ضلع بارہمولہ کی گلشن آباد کالونی مسلسل ہو رہی بارشوں کے نتیجے میں تالاب کا منظر پیش کر رہی ہے جس کی وجہ سے یہاں پر رہنے والی آبادی شدید مشکلات سے دوچار ہے۔

مقامی لوگوں کا کہنا ہے کہ معمولی بارش میں یہ آبادی زیر آب آجاتی ہے۔

ڈی سی آفس بارہمولہ کے قریب واقع اس کالونی میں رہنے والے لوگوں کی طرف آج تک کسی کی نظر تک نہیں گئی۔

کالونی میں پانی کی نکاسی کیلے اگرچہ کچھ برس قبل ایک ڈرینیج سسٹم کو تعمیر کیا گیا تاہم نامعلوم وجوہات کے بنا پر اس کا کام نامکمل چھوڑدیا گیا جس کی وجہ سے بارش کا پورا پانی کالونی میں جمع ہو جاتا ہے۔

لوگوں نے ضلع انتظامیہ سے گزارش کی ہے کہ اس کالونی میں ڈرینیج سسٹم کو فعال بنایا جائے تاکہ لوگ اس پریشانی سے نجات پاسکیں۔