پولیس اہلکار ضرورت مند افراد کی مدد کے لیے پیش پیش

اس وبا میں جہاں پولیس اہلکار دن رات اپنے فرائض انجام دے رہے ہیں وہیں وہ آگے آکر لوگوں کی مدد بھی کررہے ہیں۔

ایس ڈی پی او گندو نواز احمد کھانڈے اور ایس ایچ او گندو کی نگرانی میں پولیس سب انسپکٹر نے قرنطینہ میں رکھے گئے افراد میں مشروبات تقسیم کئے ہیں۔

ادھر جموں و کشمیر کا ایک پولیس افسر محمد شفیع جو گندو (گواڑی ) چھانگا علاقے میں سب انسپکٹر کی حیثیت سے اپنی ڈیوٹی سرانجام دے رہا ہے۔ جہاں وہ دیانتداری کے ساتھ اپنی ڈیوٹی سرانجام دیتا ہے وہ ہمیشہ ضرورت مندوں کی مدد کے لئے آگے آتا ہے۔

مذکورہ آفیسر نے بھلسہ میں قرنطینہ مرکز میں رکھے گئے افراد میں آج پھل و دیگر مشروبات تقسیم کیے۔

پولیس سب انسپکٹر محمد شفیع اس وباء کے دوران شروع سے ہی غریب لوگوں کی مدد کر رہے ہیں۔ پولیس افسر کے اس اقدام کی سماج کے مختلف حلقوں میں سراہنا کی جا رہی ہے ۔