رامبن: دریائے چناب سے لاش برامد

پولیس نے مقامی رضاکاروں کی مدد سے لاش کو دریائے چناب سے نکال کر ضلع ہسپتال رامبن منتقل کر دیا ہے۔

مرکز کے زیر انتظام جموں و کشمیر کے رامبن میں دریائے چناب سے ایک لاش برامد کی گئی ہے۔

پولیس ذرائع کے مطابق 'رامبن کے نزدیک دریا چناب کے کنارے ایک لاش کے ہونے کی اطلاع موصول ہوئی تھی۔'

پولیس نے مقامی رضاکاروں کی مدد سے لاش کو دریا چناب سے نکال کر ضلع ہسپتال رامبن منتقل کر دیا ہے۔

ہسپتال کے مردہ گھر میں لاش کو شناخت کے لیے رکھا گیا ہے ۔

آخری خبر تحریر ہونے تک لاش کی شناخت نہیں ہو پائی تھی۔

خدشہ ہے کہ 'گزشتہ ہفتے ایک گاڑی رامبن کے نزدیک کیفٹریہ موڑ پر دریائے چناب میں جا گری تھی۔'

فی الحال پولیس کی تفتیش جاری ہے۔