ترال: جموں و کشمیر کے اونتی پورہ پولیس نے آج انڈور اسٹیڈیم ترال میں ساوتھ کشمیر پینسک سلاٹ چمپین شپ کا انعقاد کیا ہے جس میں ضلع پلوامہ سے تعلق رکھنے والے کھلاڑیوں کی ایک خاصی تعداد نے شرکت کی۔ اس موقعے پر ایس ایس پی اونتی پورہ محمد یوسف، ایس ڈی پی او ترال مبشر رسول، ایس ایچ او عبدالرحمان اور ڈی ایس پی ڈی اے آر ہلال احمد موجود رہے۔ اس دوران مذکورہ کھیل سے تعلق رکھنے والے کھلاڑیوں نے اپنے ہنر کا مظاہرہ کیا جن کو حاضرین نے خوب سراہا۔
اس موقعے پر ایس ایس پی اونتی پورہ نے کھلاڑیوں پر زور دیا کہ وہ سماج میں مثبت بیداری پیدا کر سکتے ہیں اور انہیں سماج میں اہم کردار ادا کرنے کے لئے ان کو آگے آنا چاہیے کیونکہ ایک مثبت سماج کی بہبودی کے لئے یہ سب ضروری ہے۔ پروگرام کے آخر میں ایک سادہ مگر پروقار تقریب منعقد ہوئی جس میں ایس ایس پی اونتی پورہ اور دیگر عہدیداروں نے انعامات تقسیم کیے۔ کھلاڑیوں نے اس طرح کے ایونٹ منعقد کرانے پر پولیس کا شکریہ ادا کیا۔ نوجوانوں نے کہا کہ ایسے پروگرام مستقبل میں بھی منعقد ہونے چاہئیں تاکہ زیادہ سے زیادہ لڑکے سپورٹس کی طرف راغب ہوں کیونکہ موجودہ دور میں منشیات نے سماج کے تانے بانے کو بکھیر کے رکھ دیا ہے اور اس لیے ہم سب کو سپورٹس کلچر کے فروغ کے لئے آگے آنا ہی چاپیے۔
یہ بھی پڑھیں:Pir Panjal Kabaddi League پیر پنجال کبڈی لیگ، تین روزہ کھیلوں کے ایونٹ کا افتتاح کیا گیا ہے
