کولگام میں پولیس نے حاملہ کو اسپتال پہنچایا

پولیس نے ضلع کولگام میں حاملہ خاتون کو اسپتال پہنچا کر اس کی جان بچائی۔

پولیس کے ایک بیان کے مطابق قاضی گنڈ پولیس کو اطلاع موصول ہوئی کہ چورٹ میں ایک حاملہ خاتون کو درد کی شکایت ہے اور اُسے فوری طبی امداد کی ضرورت ہے۔

ایس ایچ او قاضی گنڈ کی قیادت میں ایک پولیس پارٹی نے فوری طور موقع پر پہنچ کر حاملہ خاتون کو ایمرجنسی اسپتال قاضی گنڈ علا ج کے لئے پہنچایا۔

مقامی لوگوں نے پولیس کی بروقت اس کارروائی کی سراہنا کی۔