Campaign Against Drugs منشیات فروشوں کے خلاف بارامولہ پولیس کی مہم جاری

بارامولہ میں ضلع انتظامیہ اور محکمہ پولیس کی جانب سے منشیات مخالف مہم کے دوران منشیات فروشوں کو گرفتار کرلیا۔ضلع کے مختلف علاقوں میں بھی بڑے پیمانے پر منشیات فروشوں کے خلاف خصوصی مہم چلائی جا رہی ہے۔پولیس کو اس مہم میں بڑے پیمانے پر کامیابی ملی ہے۔

بارامولہ:ملک کی دوسری ریاستوں کی یو ٹی جموں و کشمیر میں بھی منشیات کے اسعتمال اور اس کے دھندے سے منسلک افراد کے خلاف بڑے پیمانے پر مہم چلائی جا رہی ہے۔ پچھلے تین مہینوں میں پولیس نے منشیات مخالف کارروائی میں تیزی لائی گئی ہے جس میں بڑے پیمانے پر گرفتاریاں بھی ہوئیں اور بڑے پیمانے پر منشیات کو بھی برآمد کئے گئے۔

ضلع بارہمولہ کی پولیس نے منشیات کے خلاف مہم کو تیز تر کرتے ہوئے سال رواں کے پہلے تین مہنیوں کے دوران ضلع کے مختلف علاقوں سے 120 منشیات فروشوں کو گرفتار کی۔پولیس نے ان کے پاس سے کروڑوں روپے کی مالیت کا نشہ آور مواد ضبط کیا ۔ بارہمولہ پولیس نے اپنے ٹویٹر ہینڈل پر اس کی جانکاری دیتے ہوئے کہا کہ جنوری، فروری اور مارچ کے دوران پولیس نے 75 کیس درج کرکے 120 منشیات فروشوں کو گرفتار کیا جبکہ 10 کو پی ایس اے کے تحت حراست میں لیا گیا ہے۔

انہوں نے کہا کہ پولیس کی خصوصی مہم کے دوران بڑے پیمائے منشیات برآمد کئے گئے۔ان تین مہینوں کے دوران 3.269 کلو گرام برائون شوگر بر آمد کیا گیا جس کی بلیک مارکیٹ میں قیمت 3.26 کروڑ روپے ہے۔ پولیس نے ضلع بارامولہ کے اوڑی ، بونيار، شیریں، سوپور، پٹن، اور بھی دیگر علاقوں میں منشیات فروشوں کے خلاف کارروائی کی۔پولیس کی کڑی کارروائی کی وجہ سے ہی ان علاقوں میں منشیات کے استعمال اور اس کے کاروبار میں تیزی سے کمی آئی ہے۔