شوپیاں میں بارودی مواد ضبط، پانچ نوجوان گرفتار

ریاست جموں و کشمیر کے ضلع شوپیان میں آئی ای ڈی میں استعمال ہونے والے مواد سمیت پانچ نوجوانوں کو پولیس نے گرفتار کرنے کا دعوی کیا ہے۔

پولیس ذرائع کے مطابق سکیورٹی فورسز کے اسپیشل ٹیم نے منگل کو زینہ پورہ شوپیاں میں بارودی دھماکہ آئی ای ڈی میں استعمال ہونے والے مواد کو برآمد کیا ہے۔

پولیس ذرائع کے ماطابق اس سلسلے میں پانچ نوجوانوں کو گرفتار کر لیا ہے، جن کی شناخت عاقب نظیر راتھر،عامر نظیر وانی، سمیر مشتاق بٹ، فیصل فاروق بٹ اور رئس احمد گنائی کے طور پر ہوئی ہیں۔
پولیس کے مطابق اس سلسلے میں کیس درج کیا گیا ہے اور مزید تحقیقات شروع کردی گئی ہے۔

واضح رہے کہ چند روز قبل پلوامہ کے آری ہل میں ہونے والے آئی ای ڈی دھماکہ میں 2 سکیورٹی اہلکار ہلاک جبکہ درجنوں زخمی ہوئے تھے۔