تین بدمعاش نوجوان گرفتار

جنوبی کشمیر کے تاریخی پامپور علاقے میں پولیس نے تین افراد کو نویں جماعت کی طلبا کے ساتھ چھیڑ چھاڑ کرنے کے الزام میں گرفتار کر لیا۔

اطلاعات کے مطابق گرفتار شدہ نوجوان مذکورہ لڑکی کے ساتھ ایک عرصے سے چھیڑ چھاڑ کر رہے تھے جس کے بعد لڑکی نے اپنے والدین کے ساتھ اس بات کو شیئر کیا۔

والدین نے اپنی بیٹی کی شکایت کو پولیس اسٹٰیشن میں درج کرائی جس کے بعد پولیس نے بروقت کاروائی کر کے نوجوانوں کو گرفتار کر لیا۔

گرفتار شدہ نوجوانوں کی شناخت عرفان احمد نجار، توصیف احمد اور مدثر اشرف کے طور پر ہوئی ہے۔

عوام نے کھریو پولیس کی اس بروقت کارروائی کو زبردست سراہا ہے.