’جموں و کشمیر میں ہر گھر کو پانی کی فراہمی‘

جموں و کشمیر میں ترقیاتی کام میں تیزی لانے کے لیے محکمہ پی ایچ ای کے حکام نے بدھ کے روز ’جل جیون مشن‘ کے تحت یک روزہ ورکشاپ کا اہتمام کیا۔

ورکشاپ کے افتتاحی سیشن کے دوران ایک بیان میں کہا گیا کہ’ کمشنر / سکریٹری پی ایچ ای ، آبپاشی اور فلڈ کنٹرول اجیت کمار ساہو نے مشن کے متعلق ایک تفصیلی پریزنٹیشن دی۔

انہوں نے آگاہ کیا کہ’ محکمہ نے جموں و کشمیر کے ہر گھر کو 2022 تک پائپڈ واٹر سپلائی دینے کا منصوبہ بنایا ہے اور اس مشن کو 2024 تک مکمل طور پر کیا جائے گا۔

انہوں نے کہا کہ’ محکمہ مشن کے تحت طے شدہ اہداف کے حصول میں آنے والے منصوبہ پر تیزی سےکام کیا جا رہا ہے‘۔
ساہو نے کہا کہ’ مشن کو مرحلہ وار انداز میں انجام دیا جائے گا اور پہلے مرحلے کو جون 2020 تک عمل میں لایا جائے گا۔ دوسرا مرحلہ جون 2021 تک اور تیسرا مرحلہ دسمبر 2021 تک شروع ہوگا‘۔

ساہو نے کہا کہ ’پہلے مرحلے میں گاندربل ، پلوامہ ، شوپیاں ، سرینگر ، سمبا ، پونچھ اور ریاسی اضلاع کا احاطہ کیا جائے گا۔

کمشنر سکریٹری نے بتایا کہ ’جون 2020 تک منتخب بلاکس میں آنے والے تمام ہوس ہولڈس کو پانی کی لائین فراہم کی جائے گی‘۔

انہوں نے اس بات پر زور دیتے ہوئے کہا کہ’ جموں و کشمیر کے ہر گھر کو پائپڈ پانی کی فراہمی میں اعلی کارکردگی ہو رہی ہے‘۔

اس سلسلے میں ڈپٹی کمشنر سرینگر ، شاہد اقبال چوہدری نے کہا کہ ’اس پروگرام کو کامیاب بنانے کے لیے لوگوں کا نمایاں کردار ادا ہوگا۔ انہوں نے کہا کہ ضلعی انتظامیہ اس طرح کے منصوبوں کے لئے ہمیشہ پرعزم رہے گی۔