پبلک ہیلتھ سینٹر چُرمجری' بنیادی سہولیات سے محروم

وسطی کشمیر کے بڈگام ضلع میں واقع پرائمری ہیلتھ سینٹر میں طبی سہولیت جیسی کوئی چیز نہیں ہے۔

سنہ 2003میں بڈگام کے چُرمجری، بیرو علاقے میں پرائمری ہیلتھ سینٹر قائم کرنے کے اعلان کیا گیا تھا جس کے ایک سال بعد یہ ہیلتھ سینٹر ایک کرائے کے مکان میں شروع کیا گیا۔

سنہ 2018میں ہیلتھ سینٹر کو جدید عمارت میں منتقل کیا گیا، جہاں جدید آلات، مشینیں تو درکنار بجلی پانی جیسی بنیادی سہولیات کا فقدان ہے۔

ہیلتھ سینٹر کی سڑک اتنی خستہ ہے کہ معمولی بارش کے دوران یہاں اس قدر کیچڑ جمع ہوجاتا ہے کہ مریضوں کو ہسپتال لے جانا مشکل ہوجاتا ہے۔

ہیلتھ سینٹر میں دانتوں کے مریضوں کا معائنہ خصوصوی ڈینٹل چیئر کے بجائے ایک عام کرسی پر کیا جاتا ہے۔

ہیلتھ سینٹر میں ابھی تک کسی ایم بی بی ایس ڈاکٹر کی تقرری عمل میں نہیں آئی ہے۔

اس ضمن میں نمائندے نے متعلقہ محکمے کے افسران سے اس بارے میں بات کرنی چاہی مگر انہوں نے کیمرہ کے سامنے کچھ بھی کہنے سے صاف انکار کر دیا۔