Peoples Demand Bus Services Mandi To Attoli اتولی سے منڈی کے درمیان بس سروس بحال کرنے کا مطالبہ

تحصیل منڈی کے مختلف علاقوں کے لوگوں نے اتولی سے منڈی کے درمیان بس خدمات بحال کرنے کا مطالبہ کیا۔ مقامی باشندوں کا کہنا ہے کہ گذشتہ چند برسوں سے اتولی اور منڈی کے درمیان بس خدمات بحال کرنے کی مانگ کی جا رہی ہے لیکن انتظامیہ نے اب اس سلسلے میں کوئی ٹھوس قدم نہیں اٹھایا ہے۔ Peoples Demand Start Bus Services Mandi To Attoli

منڈی: جموں و کشمیر تحصیل منڈی کے دور دراز علاقہ چھیلہ ڈھانگری, اتولی, سڑوئی, اعظم آباد, کے لوگوں گزشتہ کئی برسوں سے یہ مانگ ہے کہ ان دوردراز علاقوں کے لئے منی بسیں چلائی جائیں تاکہ عوام کو فائدہ پہنچ سکے۔جس کو لیکر آج چھیلہ ڈھانگری کے ایک وفد بس اڈا منڈی پہنچے جہاں انہوں نے انجم ٹور ایڈ ٹریول کے ایجنٹ انجم صادق سے ملاقات کی اور منڈی تا اتولی کے لئے مناسب کرایہ کے ساتھ منی بس چلانے کی مانگ کی۔

سرپنچ عبدالرشید نے کہا کہ اگر چہ ایک عرصہ کے بعد ان علاقہ کو جانے سڑک مکمل ہوچکی ہے۔اس سڑک پر مکڈم بھی بچھائی جا چکی ہے۔ تاہم اس سڑک پر ابھی بھی بس سروس شروع نہیں ہوئی ہے۔تحصیل منڈی کے ان دوردراز علاقوں کی عوام آٹو وغیرہ کا مہنگا کرایہ نہیں دے سکتی۔اس لئے اس روٹ میں بس خدمات کی بحالی بے حد ضروری ہو گئی ہے۔

انہوں نے کہاکہ ان علاقوں کے لوگ غریب ہیں۔ زیادہ کرایہ دینا ان کے بس کی بات نہیں ہے۔ان علاقہ کے لوگوں کا اکثر منڈی یا پونچھ آنا جانا لگا رہتا ہے۔ لیکن بس سروس نہ ہونے کی وجہ سے لوگوں کو پیدل سفر کرکے گھر جانا پڑتا ہے۔ سرپنچ مشتاق نائک نے کہا کہ لوگوں کی دیرینہ مانگ تھی کی کہ منڈی تا اتولی بس خدمت شروع کی جائے تاکہ دور دراز کے علاقوں کے لوگوں کی پریشانیاں کم ہو سکے۔عام لوگوں کے ساتھ ساتھ اسکولی بچوں کو بھی بڑی دشواریوں کا سامنا کرنا پڑتا ہے۔