سڑک کی خستہ حالی سے عوام پریشان

کولگام سب ضلع دمحال ہانجی پورہ کے نندی مرگ علاقے کے لوگوں نے سڑک کی خستہ حالی پر محکمہ پی ایم جی ایس وائی کے خلاف احتجاجی مظاہرہ کیا۔

احتجاجیوں نے محکمہ پی ایم جی ایس پر الزام عائد کیا کہ محکمہ کو پانچ سال پہلے اس وقت کی سرکار نے دمحال ہانجی پورہ سے نندی مرگ تک 8کلو میٹر والی سڑک کا کام سونپ دیا۔ تاہم محکمہ نے 5 کلومیٹر کا کام ہی مکمل کیا۔

ستم ظریفی یہ ہے کہ باقی تین کلومیٹر سڑک کا کام کاج التوا میں رکھا گیا جس کی وجہ سے مقامی لوگوں کو گونا گوں مشکلات کا سامنا کرنا پڑتا ہے۔

مقامی عوام موجودہ انتظامیہ سے اپیل کرتے ہیں کہ جلد از جلد اس سڑک پر کام دوبارہ شروع کیا جائے تاکہ انہیں مشکلات سے نجات مل سکے۔