کانگریس کے سینیئر رہنما اور سابق وزیر پیر زادہ محمد سعید نے آج افسوس کا اظہار کرتے ہوئے کہا کہ آئے دن کشمیر میں جمہوریت کا مذاق بنایا جا رہا ہے۔
پیر زادہ محمد سعید کے مطابق وہ آج اپنے اہلخانہ کے ساتھ ووٹ ڈالنے کے لیے سرینگر سے اپنے آبائی گاؤں دمحال جارہے تھے لیکن سکیورٹی فورسز نے سکیورٹی وجوہات کی بنا پر تمام افراد خانہ کو کھنہ بل میں ہی روک دیا۔ انھیں یہ کہہ کر روکا گیا کہ نامساعد حالات کی وجہ سے انہیں ووٹ ڈالنے کے لیے نہیں جانے دیا جائے گا۔
کانگریس کے سینیئر رہنما اور سابق وزیر پیر زادہ محمد سعید پیر زادہ محمد سعید نے اس اقدام کو جمہوریت کا قتل مانتے ہوئے دکھ کا اظہار کیا۔
سابق وزیر کے بیٹے پیرزادہ صوبان کا کہنا ہے کہ جہاں انتظامیہ یہ دعوع کر رہی ہے کہ انھوں نے سکیورٹی کے سخت انتظامات کئے ہیں۔ تاہم اس کے باوجود انہیں اور دیگر اہل خانہ کو اپنے آبائی علاقہ کی جانب جانے نہیں دیا گیا۔
صوبان کا مزید کہنا کہ 'ہم ایک جمہوری ملک میں رہتے ہیں اور سکیورٹی کی وجوہات کی بناء پر ہمیں اپنا ووٹ ڈالنے سے روک دیا گیا ہے۔ انتظامیہ سے میرا مطالبہ ہے کہ اس واقعے کی تحقیقات کی جائے کہ کیوں انہیں ووٹ کاسٹ کرنے سے روکا گیا۔
