پی ڈی پی رہنما نعیم اختر رہا

گزشتہ برس سے گھر میں نظربند سینیئر پیپلز ڈیموکریٹک پارٹی (پی ڈی پی) کے رہنما اور سابق وزیر نعیم اختر کو جمعرات کو رہا کر دیا گیا۔

گذشتہ برس 5 اگست سے ہی اختر کو نظربند رکھا گیا تھا جب حکومت نے آرٹیکل 370 کو منسوخ کر کے جموں و کشمیر کو دو مرکزی علاقوں میں تقسیم کردیا۔

حکومت اور جموں وکشمیر کے سابق وزرائے اعلیٰ سمیت متعدد رہنماؤں کو گذشتہ سال 5 اگست کو حکومت نے حراست میں لیا تھا اور بعد میں انہیں رہا کردیا گیا تھا جبکہ پی ڈی پی کی صدر محبوبہ مفتی ابھی بھی اپنی رہائش گاہ پر نظربند ہیں۔