ذرائع کا کہنا ہے کہ انتظامیہ نے منگل کی شام منصور پر پی ایس اے نافذ کرکے ان کی حراست میں مزید توسیع کر دی ہے۔
منصور جو سرینگر کے ایم ایل اے ہاسٹل، جس کو انتظامیہ نے سب جیل قرار دیا ہے، میں ہی قید رہیں گے۔
منصور پی ڈی پی کے چوتھے ایسے سیاستداں ہیں جن پر پبلک سیفٹی ایکٹ کا اطلاق کیا گیا ہے۔
قبل ازیں انتظامیہ نے پی ڈی پی صدر اور سابق وزیراعلیٰ محبوبہ مفتی سمیت پی ڈی پی کے سینئر رہنما بشمول نعیم اختر، سرتاج مدنی پر پبلک سیفٹی ایکٹ عائد کیا ہے۔
وہیں نیشنل کانفرنس کے صدر اور موجودہ رکن پارلیمان فاروق عبداللہ سمیت عمر عبداللہ، علی محمد ساگر، ہلال لون کو بھی پی ایس اے کے تحت قید کیا گیا ہے۔
سابق بیوروکریٹ اور جموں و کشمیر پیپلز موومنٹ کے صدر شاہ فیصل بھی پی ایس اے کے تحت بند کئے گئے ہیں۔
