بڈگام: مرکز کے زیر انتظام یوٹی جموں ؤ کشمیر کے ضلع بڈگام کے ماگم تھانے میں پی سی پی جی کی میٹنگ کا انعقاد کیا گیا جس کی صدارت ایس ڈی پی او ماگام آفتاب اعوان نے کی۔اس میٹنگ میں مقامی باشندوں نے جوش و خروش کے ساتھ حصہ لیا۔ میٹنگ میں ایس ڈی پی او آفتاب اعوان نے مقامی باشندوں کے مسائل سنے۔ پولیس کا اس میٹنگ کے انعقاد کا مقصد عوام کے ساتھ تعلقات کو مضبوط بنانے اور سماج کو منشیات سے نجات دلانے کی اپنی کوششوں کو جاری رکھنا ہے۔اس موقع پر ایس ایچ او پولیس اسٹیشن ماگام انسپکٹر یاسر رشید کے علاوہ علاقے کے معززین، لمبردار، چوکیدار، سرپنچ اور پنچوں نے بھی شرکت کی۔
میٹنگ کے دوران شرکاء نے پولیس کے ساتھ منشیات کی بدعت اور پوست کی کاشت سمیت مختلف سرکاری محکموں سے متعلق مختلف مسائل اٹھائے۔ شرکاء نے مزید چئیرنگ آفیسر کو بتایا کہ قصبہ ماگام اور اس کے ملحقہ علاقوں میں بنیادی سہولیات کی عدم دستیابی کی وجہ سے عوام کو گونہ گو مشکلات کا سامنا کرنا پڑتا ہے۔