پنچایت گھر کی حالت خستہ

ریاست جموں و کشمیر کے ضلع رامبن کے بانیہال کے تحصیل کھڑی کے علاقہ منگت میں نو تعمیر شدہ عمارت خستہ ہوگئی ہے۔

یہ عمارت دیہی ترقیاتی اسکیم کے تحت 19 لاکھ کی لاگت سے تعمیر کی گئی تھی۔ مگر چند برس کے اندر اس کی حالت خستہ ہوگئی ہے۔

مقامی لوگوں نے الزام لگایا ہے کہ پنچایت گھر کی تعمیر میں خراب قسم کی اشیا لگائی گئی، جس کی وجہ سے یہ صورت حال پیش آئی ہے۔

مقامی افراد کے بیان کے مطابق عمارت کی تعمیر کرنے والے مزدوروں کو ابھی تک ان کی اجرت نہیں ملی ہے۔

مقامی لوگوں نے ضلع ترقیاتی کمشنر اور اور ریاستی گورنر سے گزارش کی ہے کہ وہ علاقہ منگت میں میں محکمہ دیہی ترقی کی جانب سے کیے گئے کاموں کو دوبارہ تحقیقات کرائیں تاکہ اصل حقائق کا پتہ چل سکے۔