پانپور: ٹریفک کے مسائل کے سلسلے میں انتظامیہ کی مہم

وادی میں برفباری کی وجہ سے جہاں پہلے سے ہی ٹرانسپورٹروں اورعام لوگوں کو آمد و رفت میں دشواری پیش آرہی ہے تو وہیں دوسری جانب خوانچہ فروش اور دکانداروں نے اپنا سازوسامان سڑکوں پر کھڑاکر کے لوگوں کے لئے مزید مشکلات پیدا کر دی ہیں۔

جموں وکشمیر کے پانپور میں ٹریفک آمد و رفت میں دشواری کے پیش نظر تحصیل انتظامیہ اور پانپور پولیس نے مشترکہ طور پر پانپور میں خوانچہ فروشوں اور دکانداروں کے خلاف زوردار مہم چلائی تاکہ سڑکوں پر غیرقانونی طور پر وسامان کھڑا کرنے والے خوانچہ فروشوں اور دکانداروں کو سڑکوں سے ہٹایاجاسکے۔

اس کے علاوہ سڑکوں پر گاڑیوں کو غیر ضروری طریقہ سے پارک کرنے والے ٹرانسپورٹروں کو بھی ہداہت دی گئی ہے کہ وہ سڑکوں پر اپنی گاڑیاں پارک نہ کریں ۔جس کی وجہ سے سڑکوں پر جام لگا رہتا ہے۔ اس موقع پر ٹریفک اصولو ں کی خلاف ورزی کرنے والوں سے جرمانہ بھی وصول کیا گیا۔

اس مہم میں تحصیلدار پانپور اشتیاق محی الدین کے علاوہ ایس ایچ او پانپور منظور احمد اور دیگر اہلکار بھی شامل تھے ۔

تحصیلدار پانپور اشتیاق محی الدین نے سڑکوں پر غیرضروری اور غیرقانونی طور پر سامان کھڑا کرنے والے لوگوں کو ہدایت دی کہ وہ دبارہ سے سڑکوںپر اپنا سازوسامان نہ رکھیں ۔

انہوں نے مزید کہا کہ سڑکوں پر سازوسامان رکھنے والے اور غیر ضروری طور پارک کرنے والے گاڑی مالکان کے خلاف سخت کاروائی کی جاۓ گی۔