کپواڑہ میں جنگ بندی کی خلاف ورزی

گولہ باری کی وجہ سے عام زندگی مفلوج ہونے کے ساتھ ہی سرحدی آبادی میں ڈر و خوف کی لہر دوڑ گئی ہے۔

شمالی کشمیر کے ضلع کپواڑہ کے ٹنگڈار سیکٹر میں لائن آف کنٹرول میں آج الصبح سے بھارت - پاک افواج کے درمیان گولہ باری جاری ہے۔

فوجی ذرائع کے مطابق پاکستان افواج نے ٹنگڈار سیکٹر میں جنگ بندی کی خلاف ورزی کرتے ہوئے بھارتی چوکیوں اور رہائشی علاقوں کو نشانا بنایا ہے۔ بھارتی افواج گولہ باری کا مناسب جواب دے رہے ہیں۔

ذرائع کے مطابق علاقہ میں فائرنگ سے کسی جانی یا مالی نقصان کی اطلاع نہیں ہے۔

مقامی لوگوں کے مطابق فائرنگ کی وجہ سے علاقہ میں خوف و دہشت کا ماحول ہے۔

آخری اطلاعات موصول ہونے تک علاقہ میں فائرنگ کا تبادلہ جاری تھا۔