مینڈھر سیکٹر میں جنگ بندی کی خلاف ورزی

ایل او سی پر اب تک جنگ بندی کی 2700 سے زیادہ خلاف ورزیوں کی اطلاع ملی ہے جس میں 21 عام شہری ہلاک اور 94 زخمی ہوئے ہیں۔

جموں و کشمیر کے سرحدی ضلع پونچھ کے مینڈھر سیکٹر میں پیر کے روز لائن آف کنٹرول پر بھارت - پاک افواج کے درمیان گولہ باری ہوئی۔

فوجی ذرائع کے مطابق پاکستانی افواج نے ایک بار پھر جنگ بندی معاہدے کی خلاف ورزی کرتے ہوئے مینڈھر سیکٹر میں جنگ بندی کی خلاف ورزی کی جس کا بھارتی افواج نے معقول جواب دیا ہے۔

گولہ باری کی وجہ سے عام زندگی مفلوج ہونے کے ساتھ ہی سرحدی آبادی میں ڈر و خوف کی لہر دوڑ گئی ہے۔

فوجی ذرائع کے مطابق پاکستانی افواج نے مارٹر گولے داغنے کے علاوہ بھاری اور چھوٹے ہتھیاروں کا استعمال کرکے بھارتی چوکیوں کو نشانا بنایا جس کا بھارتی فوج نے بھر پور اور موثر جواب دیا ہے۔

واضح رہے کہ اس سے قبل پاکستان نے مانکوٹ سیکٹر میں ایل او سی پر گولہ باری کی تھی۔