ایک شخص منشیات کے ساتھ گرفتار

ہندوارہ پولیس نے منگل کے روز قاضی آباد کے علاقے کرالگنڈ میں ہیروئن کے ساتھ ایک منشیات فروش کو گرفتار کرلیا۔

پولیس بیان کے مطابق ایس پی ہندوارہ ڈاکٹر جی وی سندیپ چکروتی نے منشیات کے استعمال کے خلاف مسلسل کارروائی جاری رکھے ہوئے موصولہ معلومات کی بنیاد پر تھانہ کرالگنڈ کے حدود میں ٹھوکر پورہ کراسنگ میں ایک ناکہ لگایا تھا۔

ناکے کے دوران لوکی پورہ کے رہنے والے سہیل احمد ڈار نامی شخص کو گرفتار کرلیا گیا اور اس کی تلاشی کے دوران اس کے قبضے سے ہیروئن برآمد ہوا۔

اسی سلسلے میں ایف آئی آر نمبر 39/2020 U / S 8/21 این ڈی پی ایس ایکٹ کے تحت تھانہ کرالگنڈ میں ان کے خلاف مقدمہ درج کیا گیا ہے اور مزید تفتیش کردی گئی۔