جموں سرینگر قومی شاہراہ ایک بار پھر بند

وادی کشمیر کو ملک کے ساتھ جوڑنے والی جموں سرینگر قومی شاہراہ کو متعدد مقامات پر تودے کھسکنے کی وجہ سے آج ایک پھر ٹریفک کی نقل وحمل کے لئے بند کر دیا ہے۔

ایک ٹریفک عہدیدار کے مطابق رام بن اور رامسو میں بارش و برف باری کی وجہ سے کئی مقامات پر چٹانیں کھسکنے کے باعث مسافروں کے تحفظ کے لیے شاہراہ کو ٹریفک کی نقل وحمل کے لئے بند رکھنے کا فیصلہ لیا گیاہے۔

Jammu and kashmir

انہوں نے مزید کہا کہ مشینری اور افرادی قوت کو شاہراہ سے ملبے کو ہٹانے کے لئے کام پر لگایاگیا ہے۔

کچھ گاڑیاں چٹانیں کھسکنے کی وجہ سے رام بن اور رامسو علاقے میں پھنسی ہوئی ہیں لہذا ٹریفک بحال ہونے کے بعد پہلے ان ہی درماندہ گاڑیوں کو چلنے کی اجازت ہوگی ۔

محکمہ موسمیات نے جموں کشمیر میں اگلے 24 گھنٹوں کے دوران درمیانی درجے کے برف باری کی پیش گوئی کی ہے۔