بی جے پی کے بانی کی برسی پر تقریب منعقد

ضلع کپوارہ کے ہندوارہ ٹی آر سی میں بی جے پی کے اراکین نے پارٹی کے بانی پنڈت دین دیال اپادھیائے کی 51ویں برسی پر ایک تقریب منعقد کی۔

تقریب کے دوران ہندوارہ میں بی جے پی کے درجنوں کارکنان نے شرکت کی اور دین دیال اپادھیائے کی یادوں کو تازہ کیا اور انہیں گلہائے عقیدت پیش کیا۔ اس موقع پر ان کی خدمات پر روشنی ڈالی گئی۔

اس دوارن انہوں نے اپنے کارکنان کو ہدایت دی کہ وہ آنے والے پنچایت الیکشن میں حصہ لینے کے لیے پارٹی کو مضبوط کریں۔

انہوں نے کہا کہ' بی جے پی ایک ایسی پارٹی ہے جو عام لوگوں کی آواز بن کر ابھر رہی ہے اور ہمارا کام ہے کہ ہم لوگوں کے مسائل کو دور کریں۔

تقریب پر بھاجپا کے کئی رہنما موجود تھے جن میں ضلعی صدر عبدالرشید زرگر، حلقہ کے صدر میر عباس، لنگیٹ اسمبلی حلقہ کے جنرل سکریٹری شبیر زرگر کے علاوہ دیگر ارکین بھی موجود تھے ۔