قرنطینہ کی غرض سے امام خمینی میموریل ٹرسٹ کی پیشکش

امام خمینی میموریل ٹرسٹ کرگل کی جانب سے منعقدہ ایک پریس کانفرنس کے دوران چیئرمین آئی کے ایم ٹی کرگل شیخ صادق رجائی نے یوٹی انتظامیہ لداخ سے تعلق رکھنے والے مختلف ریاستوں میں پھنسے ہوئے لوگوں کے متعلق اپنی رائے پیش کی۔

انہوں نے کہا کہ انتظامیہ کو چاہیے کہ وہ جلد از جلد لداخ کے پھنسے ہوئے تمام لوگوں کو ملک کے مختلف ریاستوں سے انخلاء کرانے کی ایک منظم لائحہ عمل طے کریں۔

انہوں نے مزید کہا کہ قرنطینہ کیلئے ضرورت پڑنے پر امام خمینی میموریل ٹرسٹ ان کے لئے جگہ اور کھانے پینے کے تمام تر انتظامات کیلئے تیار ہیں۔

واضح رہے کہ کرگل کے مذہبی ادارے و سماجی تنظمین کورونا وائرس سے مقابلہ کرنے کیلئے ضلع انتظامیہ کے ساتھ شانہ بہ شانہ ساتھ دے رہے ہیں۔