اپنی کمان کو خیر باد کہنے سے پہلے یہ لیفٹیننٹ جنرل رنبیر سنگھ کی لیفٹیننٹ گورنر کے ساتھ الوداعی ملاقات تھی۔
لیفٹیننٹ گورنر نے لیفٹیننٹ جنرل سنگھ کی لگن اور دیانتداری کے لئے اُن کی سراہنا کرتے ہوئے اُنہیں ایک الوداعی مومنٹو پیش کیا۔
دریں اثنا یونیسف کی بھارت میں کنٹری نمائندہ یاسمین علی حق نے بھی لیفٹیننٹ گورنر کے ساتھ ملاقات کی۔
ڈاکٹر یاسمین اور لیفٹیننٹ گورنر نے یونیسف کے کنٹری پروگرام اور جموں وکشمیر میں اس پروگرام کی عمل آوری پر تبادلہ خیال کیا۔
یہ پروگرام بچوں، بالغوں اور خواتین کی بہبود اور اُن کو بااختیار بنانے پر مرکوز ہے۔
لیفٹیننٹ گورنر نے ان شعبوں میں جموں وکشمیر کی حصولیابیوں کا ذکر کیا۔
انہوں نے جموں وکشمیر میں یونیسف کے کنٹری پروگرام کی عمل آوری میں یونین ٹریٹری انتظامیہ کے مکمل تعاون کا یقین دلایا۔
