گاندربل میں غیر مقامی مزدور برفانی تودے کی زد میں ہلاک

دونوں غیر مقامی مزدور علاقے میں منی پاور پروجیکٹ کے پاس کام کرہے تھے جس دوران برفانی تودہ گر آنے سے وہ اس کی زد میں آگئے-

وسطی کشمیر کے ضلع گاندربل میں برفانی تودے کی زد میں ایک شخص کی موت جبکہ دیگر ایک زخمی ہوگیا ہے-

وسطی کشمیر کے ضلع گاندربل کے رائل گنڈ نامی علاقے میں دو افراد برفانی تودے میں دب گئے جس کے نتیجے میں ایک غیر مقامی مزدور کی موت واقع ہوگئی جبکہ ایک زخمی ہوگیا-

بتادیں کہ دونوں غیر مقامی مزدور علاقے میں منی پاور پروجیکٹ کے پاس کام کرہے تھے اور برفانی تودہ گرنے سے وہ اس کی زد میں آگئے- اس دوران مقامی لوگوں اور پولیس کی جانب سے انہیں بچانے کی کوشش کی گئی جس کے بعد انہیں مقامی ہسپتال پہنچایا گیا۔ تاہم ڈاکٹروں نے ایک کو مردہ قرار دیا جبکہ دوسرا بری طرح زخمی ہوا-

مرنے والے مزدور کی پہچان سورن سنگھ ولد کرتار سنگھ عمر 48 ساکنہ پنجاب کے طور ہوئی ہے جبکہ زخمی شدہ بابی سنگھ نامی مزدور بھی پنجاب کا ہی رہنے والا ہے- پولیس نے قانونی لوازمات پورے کرنے کے لیے کیس درج کیا ہے۔