قاضی گنڈ میں غیر مقامی مزدور کی لاش برآمد

جموں و کشمیر کے ضلع کولگام کی پولیس کا دعوی ہے کہ انہوں نے قاضی گنڈ علاقے کے گاسی پورہ گاؤں سے ایک 33 سالہ غیر مقامی مزدور کی لاش برآمد کی۔

اطلاعات کے مطابق مقامی افراد نے قاضی گنڈ کے گاسی پورہ گاؤں میں کرائے کے کمرے میں پڑی لاش کو دیکھا اور اس کی اطلاع متعلقہ پولیس اسٹیشن کو اطلاع دی۔

ایک پولیس اہلکار نے ای ٹی وی بھارت کے نمائندے کو بتایا کہ اس واقعے کی اطلاع ملتے ہی پولیس کی ایک ٹیم موقع پر پہنچی اور لاش کو برآمد کرلیا۔

پولیس اہلکار نے ہلاک شدہ مزدور کی شناخت لالواہ سیدو ولد کرشن لال سیدھو ساکن ریاست بہار کے طور پر کی ہے۔

انہوں نے مزید کہا کہ مذکورہ مزدور گسی پورہ ونپو میں مزدور کی حیثیت سے کام کررہے تھے اور ان کی موت دل کا دورہ پڑنے سے ہوئی ہے۔

اس ضمن میں قاضی گنڈ پولیس اسٹیشن میں ایک کیس درج کرکے تحقتات شروع کردی۔

واضح رہے کہ اس سے قبل بھی علاقے میں ایک اور مزدور کو کرائے کمرے سے مردہ پایا گیا تھا۔