No Rainfall Predicted in Jammu جموں میں اگلے 48 گھنٹوں تک بارش کا امکان نہیں

محکمہ موسمیات کے مطابق پیر اور منگل کو جموں اور اس کے اطراف کے اضلاع میں بارش کا امکان نہیں ہے۔ اس خبر سے عام لوگوں نے تھوڑی راحت کی سانس لی ہے۔

جموں:ملک کی دوسری ریاستوں کی طرح مرکز کے زیر انتطام یوٹی جموں و کشمیر کے جموں سمیت مختلف اضلاع میں گزشتہ چند دنوں سے موسلاداھار بارش کے سبب عام زندگی مفلوج ہو کر رہ گئی تھی۔لیکن محکمہ موسمیات کی جانب سے اگلے 48 گھنٹوں کے دوران بارش نا ہونے کی پیشنگوئی کی گئی ہے اس سے حالت میں بہتری آنے کا امکان ہے ۔

ذرائع کے مطابق جموں میں گزشتہ ہفتہ کے مقابلے اس بار کم بارش کا امکان ہے۔ تاہم آئندہ دو روز میں موسم میں تبدیلی ہو سکتی ہے۔ موسم زیادہ تر صاف رہے گا۔ درمیان میں مطلع ابر آلود رہے گا اور ہلکی بارش کا امکان ظاہر کیا گیا ہے۔ محکمہ موسمیات کے مطابق جموں میں آج اور کل موسم صاف رہے گا۔ وہیں، 26 جولائی سے 28 جولائی تک موسلادھار بارش کا امکان ہے۔

جموں میں آج کم سے کم درجہ حرارت 28 سے 30 ڈگری رہنے کی پیش گوئی کی گئی ہے۔ اس کے ساتھ ساتھ آج مطلع ابر آلود رہے گا تاہم بارش کا امکان کم ہے۔ جموں و کشمیر کے اکھنور میں گزشتہ روز موسلادھار بارش نے تباہی مچائی۔ دریائے چناب میں سیلاب کے باعث پھنسے 105 افراد کو بچا لیا گیا۔

قاضی کنڈ میں 23.2 ملی میٹر، کوکرناگ میں 22.5 ملی میٹر، گلمرگ میں 19.4 ملی میٹر، سری نگر میں 9.0 ملی میٹر، کپواڑہ میں 4.5 ملی میٹر، بانہال میں 4.2 ملی میٹر، بٹوٹ میں 19.3، کٹرا میں 48.0 ملی میٹر، بھدرواہ میں 1.8 ملی میٹر بارش ریکارڈ کی گئی۔