نیشنل کانفرنس کا ڈوڈہ حادثے پر دکھ کا اظہار

شیخ بشیر احمد نے سرکار سے مطالبہ کیا کہ سوگوار کنبوں کے حق میں امداد جاری کی جائے

نیشنل کانفرنس کے صوبائی صدر جموں شیخ بشیر احمد نے ڈوڈہ ضلع میں پیش آئے المناک سڑک حادثے میں انسانی جانوں کے ضیاع پر افسوس کا اِظہار کیا ہے۔

ایک تعزیتی پیغام میں صوبائی صدر نے سوگوار کنبوں کے ساتھ ہمدردی کا اِظہار کیا ہے اور مہلوکین کی ارواح کے ابدی سکون کے لئے دعا کرتے ہوئے زخمیوں کی جلد صحتیابی کی تمنا کی ہے۔

انہوں نے سرکار سے اپیل کی ہے کہ اس حادثے میں مارے جانے والے افراد کے قریبی رشتہ دار کے حق میں ایکسگریشیا ریلیف کا اعلان کیا جائے۔

واضح رہے جموں و کشمیر کے صوبہ جموں کے ضلع ڈوڈہ میں ایک سڑک حادثے میں 16 افراد ہلاک ہوگئے جبکہ تین افراد شدید زخمی ہوگئے۔