غیر ریاستی مزدوروں کی ہلاکت پر نیشنل کانفرنس کی مذمت

جموں و کشمیر کے ضلع کولگام میں مغربی بنگال کے پانچ مزدوروں کی ہلاکت پر نیشنل کانفرنس نے مذمت کی اور اس واقعے کی مکمل تحقیقات کا مطالبہ کیا ہے۔

نیشنل کانفرنس نے بیان جاری کیا ہے جس میں انہوں نے کہا کہ 'ہم اس دردناک واقعے اور غیر انسانی حرکت کی مذمت کرتے ہیں۔

بیان میں کہا گیا ہے کہ ' پارٹی ہمیشہ ہی ہر طرح کے تشدد کے خلاف رہی ہے اور بے گناہ غیر مقامی مزدوروں کا قتل ناقابل قبول ہے۔ ہم انسانی جان کا احترام کرتے ہیں۔ کسی بھی مذہب نے اس طرح کی حرکت کی منظوری نہیں دی۔'

انہوں نے کہا کہ جموں و کشمیر کے عوام کے حقوق کی بحالی کے لیے روایتی جدوجہد، تشدد اور ہر طرح کے تعصبات کی زینت بنی ہوئی تھی۔ ہم ٹرک ڈرائیورز پر حملوں کی بھی مذمت کرتے ہیں۔

اس طرح کے حملے کشمیر اور کشمیریوں کو بدنام کرنے کے لیے کئے جارہے ہیں۔ بیان میں کہا گیا ہے کہ ہم اس طرح کے واقعات کی سخت الفاظ میں مذمت کرتے ہیں۔

واضح رہے کہ گزشتہ روز جنوبی کشمیر کے ضلع کولگام میں عسکریت پسندوں نے مغربی بنگال سے تعلق رکھنے والے پانچ مزدوروں کو گولی مارکر ہلاک کردیا تھا۔

مغربی بنگال کے ضلع مرشد آباد تعلق رکھنے والے یہ مزدور گزشتہ کئی برسوں سے جموں کشمیر کے ضلع کولگام کے کاترسو ، کھانڈی پورہ اور دیگر دیہات میں بطور مزدور کام کررہے تھے۔