شدید برفباری کے سبب قومی شاہراہ بند

جموں ۔ سرینگر قومی شاہراہ کو بھاری برف باری کی وجہ سے بند کر دیا گیا ہے۔

قومی شاہراہ بند کرنے کی وجہ سے جواہر ٹنل کے دونوں اطراف ہزاروں مسافر و مال بردار گاڑیاں پھنس گئی ہیں۔

انتطامیہ کے مطابق مسلسل برفباری کے بعد قاضی گنڈ اسٹریچ میں سڑک پر پھسلن پیدا ہو گئی ہے جبکہ کئی مقامات پر چٹانیں کھسکنے کے خدشات بھی ظاہر کیے جا رہے ہیں۔

ادھر برفباری کی وجہ سے سڑکوں پر پھنسے ہوئے مسافروں کو سردی اور دیگر مشکلات کا بھی سامنا کرنا پڑ رہا ہے جبکہ مسافروں نے انتظامیہ سے انہیں راحت دینے کے لیے فوری اقدامات اٹھانے کی اپیل کی ہے۔