National Conference Leaders Join BJP نیشنل کانفرنس کے پانچ رہنما بی جے پی میں شامل

پلوامہ میں نیشنل کانفرنس کے پانچ رہنماؤں نے آج بی جے پی میں شمولیت اختیار کرلی اور کہا کہ بی جے پی ایک واحد پارٹی ہے جو ملک کے ساتھ ساتھ وادی میں بھی تعمیراتی کام کو انجام دے رہی ہے۔ National Conference Five leaders join BJP

جنوبی کشمیر کے ضلع پلوامہ میں آئندہ ہونے والے اسمبلی انتخابات کے پیش نظر سیاسی سرگرمیاں عروج پر ہے اس دوران آج بی جے پی کی جانب سے ایک اجلاس کا انعقاد کیا گیا تھا جس میں نیشنل کانفرنس کے پانچ رہنماؤ نے بی جے پی کی شمولیت اختیار کی ہے۔ BJP meeting in Pulwama اس موقع پر اجلاس میں بی جے پی جنوبی کشمیر کے انچارج ویر صراف نے بطور مہمان شرکت کی، اور اجلاس سے خطاب کرتے ہوئے کہا کہ بی جے پی ملک کے ساتھ ساتھ وادی کشمیر میں تعمیر و ترقی کے لیے ہر ممکن اقدامات اٹھارہی ہے جس کو دیکھ کر وادی کے باقی سیاسی جماعتوں کے کارکنان بی جے پی میں شمولیت اختیار کررہے ہیں۔ Kashmir Assembly Elections

اس ضمن میں مونسپل کونسلر پلوامہ ولی محمد خافظ نے کہا کہ میں پچھلے کئی سالوں سے نیشنل کانفرنس سے وابستہ تھا۔ اور قصبہ پلوامہ میں سبھی پارٹیاں اج تک تعمیراتی کام انجام دینے میں ناکام رہی ہے۔جبکہ بی جے پی ایک واحد پارٹی ہے جو ملک کے ساتھ ساتھ وادی میں تعمیراتی کام انجام دے رہی ہے جس کی وجہ سے ہم نے نیشنل کانفرنس چھوڑ کر بی جے پی میں شمولیت اختیار کرنے کا فیصلہ کیا تاکہ قصبہ پلوامہ میں بھی تعمیر وترقی کے کام انجام دے سکیں۔