لاک ڈاؤن: پونچھ کے کئی علاقوں میں مفت راشن تقسیم

جموں و کشمیر کے ضلع پونچھ میں مصطفی ویلفیئر سوسائٹی نے مختلف علاقوں میں مستحقین (جن میں بیوائیں، یتیم، معذور اور ضرورت مند شامل ہیں) میں راشن تقسیم کیا۔

سوسائٹی کے صدر ایم ایم پٹھان نے ای ٹی وی بھارت کے نمائندے سے بات کرتے ہوئے کہا کہ' ہماری ٹیم ایک سروے کر کے حقیقی مستحق تک خود راشن پہنچا رہی ہے اور لاک ڈاؤن کے دوران ضرورت مند افراد تک ہم راشن پہنچانے میں مشغول ہیں۔ ہماری پوری ٹیم اس کارِ خیر میں اپنا اچھا کردار نبھا رہی ہے۔'

پٹھان نے کہا کہ 'جوں جوں ہم تک ضرورت مندوں کی آواز آ رہی ہے ہم ان کی مدد کر رہے ہیں اور انشااللہ کرتے رہیں گے۔'

وہیں پٹھان نے ضلع ترقیاتی کمشنر پونچھ راہل یادو کا بھی شکریہ ادا کیا اور کہا کہ انہوں نے ہمیں پرمیشن دے کر دوردراز علاقوں میں جانے کی اجازت دی۔'

سوسائٹی کے صدر نے ایس ایچ او منڈی اور ایس ایچ او ساوجیاں کا شکریہ ادا کرتے ہوئے کہا کہ' ان کی مدد سے ہی یہ کام ممکن ہو پایا ہے۔ پٹھان نے جن جن لوگوں نے اپنا تعاون اس سوسائٹی کو دی ہے ان کا بھی شکریہ ادا کیا ہے۔