بانڈی پورہ میں منفرد کستوری ہرن پکڑا گیا

بانڈی پورہ کے چھان دججی علاقے میں ایک نایاب کستوری ہرن جسے عرف عام میں 'روزس کٹ' کہا جاتا ہے زندہ پکڑ لیا گیا۔ اس نایاب کستوری ہرن کو وائلڈ لائف محکمے نے اپنی تحویل میں لے لیا۔ Musk Deer Rescue in Bandipur

بانڈی پورہ:مرکز کے زیر انتظام یوٹی جموں و کشمیر کے بانڈی پورہ کے چھان دججی علاقے میں محکمہ وائلڈ لائف نے دعویٰ کیا کہ گذشتہ روز منگل کو ایک کستوری ہرن دیکھا گیا جس کو بعد میں پکڑ لیا گیا۔

اس حوالے سے وائلڈ لائف رینج کے ایک افسر فدا حسین نے ای ٹی وی بھارت کو بتایا کہ یہ پہلا موقع نہیں تھا کہ وادی کے جنگلوں میں کستوری ہرن دیکھا گیا ہو۔ اس سے پہلے بھی دیکھا گیا تھا۔ آج جب لوگوں نے ہمیں اطلاع دی کہ چندیجی جنگلوں میں ایک ہرن گھوم رہا ہے اور وہ ہنگل جیسا نہیں لگ رہا جس کے بعد ہماری ٹیم وہاں پہنچی اور معلوم چلا کہ یہ ایک کستوری ہرن ہے۔ ان کا مزید کہنا تھا کہ چونکہ ہنگل کی طرح کستوری ہرن بھی خطرے سے دو چار جانوروں کے زمرے میں آتا ہے اور اس کا نام آئی یو سی این کی ریڈ لسٹ میں درج کیا گیا ہے۔ اسی لیے ہمیں کستوری ہرن کو اپنی تحویل میں لینا پڑا۔

انہوں نے کہاکہ اس کی ابتدائی جانچ کی گئی تاکہ یہ پتہ لگا ہے جیسا کہ اس کو کوئی نقصان یا کوئی بیماری تو نہیں ہے۔ مزید جانچ کے لیے اس کو داچی گام لے جایا جا رہا ہے جہاں اس کو کچھ وقت کے لیے آبزرویشن میں رکھا جائے گا۔ اس کے بعد دوبارہ سے جنگل میں چھوڑ دیا جائے گا۔ محکمے کے اس افسر نے دعوی کیا کہ ابتدائی جانچ میں تو یہ ہرن صحت مند لگ رہا ہے لیکن مزید جانچ ضروری ہے۔