بارش کے سبب مغل روڈ بند

ریاست جموں و کشمیر کے ضلع شوپیان سے راجوری کو جوڑنے والا مغل روڈ موسلا دھار بارش کی وجہ سے محکمہ ٹرانسپورٹ کی جانب سے بند کر دیا گیا ہے۔

اچانک تیز بارش ہونے کی وجہ سے تاریخی مغل روڈ کو عارضی طور پر بند کر دیا گیا ہے۔

ای ٹی وی بھارت کے نمائندے کے مطابق سڑک پر چٹانیں کھسکنے سے راستہ بند ہو گیا جس کی وجہ سے آمدورفت متاثر ہو گئی ہے۔

موسم ٹھیک ہونے کے بعد جلد یہ شاہراہ عام شہری کے لیے کھول دی جائے گی۔