مغل روڈ پر برف ہٹانے کا کام مکمل

وادی کشمیر کو جموں خطے سے ملانے والا متبادل راستہ مغل روڈ پر سے برف ہٹانے کا کام مکمل ہوگیا ہے اور اسے ٹریفک کی آمد و رفت کے لیے جلد ہی کھول دیا جائے گا۔

واضح رہے کہ مغل روڈ کو رواں ماہ کی 5 تاریخ کو تازہ برفباری اور بارشوں کی وجہ سے ٹریفک کی آمد و رفت کے لیے بند کر دیا گیا تھا۔مغل روڈ ایک واحد متبادل راستہ ہیں جو سرینگر جموں قومی شاہراہ کے بعد وادی کشمیر کو ملک کے باقی حصوں سے ملاتی ہیں۔

محکمہ مغل روڈ کے ایک آفسر نے ای ٹی وی بھارت کو بتایا کہ' ہم نے ہیرپورہ سے پیر کی گلی تک روڈ پر سے برف ہٹائی ہے اور جموں کے ضلع پونچھ سے بھی پیر کی گلی تک راستہ صاف ہے۔

انہوں نے کہا کہ' موسم بہتر رہنے کی صورت میں روڈ کو جلد ہی ٹریفک کی آمدو رفت کے لیے بحال کیا جائے گا۔

آفسر نے مزید بتایا کہ دونوں اطراف سے راستہ پر سے برف ہٹای گئ ہے اور راستہ کو ٹریفک کی امد رفت کے لئے تیار کیا گیا ہے۔بھاری برفباری ہونے کی وجہ سے کہی مقامات پر برفانی تودے گر آئے تھے جسکی وجہ سے برف ہٹانے میں مشکلات کا سامنا کرنا پڑا۔