مرحوم مفتی سعید کو فیاض میر نے خراج تحسین پیش کیا

پیپلز ڈیموکریٹک پارٹی کے سرابرہ مرحوم مفتی محمد سعید کی پانچویں برسی پر آج پی ڈی پی لیڈر اور راجیہ سبھا رکن فیاض احمد میر کی سربراہی میں کپواڑہ میں ایک اجلاس منعقد ہوا۔ اس دوران مرحوم مفتی محمد سعید کو خراج عقیدت پیش کیا گیا۔

فیاص احمد میر نے نامہ نگاروں سے بات کرتے گپکار آلائنس پر نکتہ چینی کی۔ انہوں نے کہا کہ گپکار آلائنس والوں نے الیکشن میں مختلف جگہوں پر پراکسی امیدوار کھڑے کیے۔ اس معاملے کی جانچ ہونی چاہئے کیونکہ یہ عوام کے ساتھ ایک بڑا دھوکہ ہے۔

انہوں نے کہا کہ کشمیری عوام کے ساتھ ہمیشہ دھوکہ کیا گیا۔ انہوں نے پارٹی کارکنان پر زور دیا کہ وہ پارٹی کو بنیادی سطح پر مضبوط کریں۔

دریں اثنا فیاض میر نے انجینر رشید کو فوری طور پر رہا کرنے کا بھی مطالبہ کیا۔