جموں وکمشیر کے ضلع راجوری کے ایک گاؤں میں ایک کمسن بچی کی مبینہ جنسی زیادتی کے سلسلے میں پولیس نے دو افراد کو پوچھ گچھ کے لئے حراست میں لیا ہے۔
سرکاری ذرائع نے بتایا کہ متاثرہ بچی، جس کی عمر چار سے پانچ برس کی ہے، گورنمنٹ میڈیکل کالج و ہسپتال راجوری میں زیرعلاج ہے۔ انہوں نے کہا کہ بچی کی حالت تشویش ناک بنی ہوئی ہے۔
راجوری میں کمسن بچی کی مبینہ جنسی زیادتی، دو گرفتار ذرائع نے بتایا کہ کمسن بچی کی جنسی زیادتی کا یہ شرمناک واقعہ ہفتے کو پیش آیا ہے۔انہوں نے کہا کہ پولیس نے جن دو لڑکوں کو پوچھ گچھ کے لئے حراست میں لیا ہے وہ متاثرہ بچی کے رشتہ دار ہیں اور غالباً نابالغ بھی ہیں۔
ایک پولیس عہدیدار نے بتایا کہ اس ضمن میں تحقیقات جاری ہے۔
