شوپیان انکاونٹر میں معروف کمانڈر ہلاک

ریاست جموں و کشمیر کے ضلع شوپیان میں پیش آنے والے انکاونٹر میں معروف کمانڈر اشفاق احمد صوفی عرف عبداللہ بھائی مارا گیا۔

فورسز اور عسکریت پسندوں کے بیچ تصادم کا یہ واقعہ جمعے کی صبح رامنگری علاقے میں پیش آیا۔

ذرائع کے مطابق 23 پیرا اور ایس او جی شوپیان نے عمشی پورہ اور رامنگری کے بیچ باغیچوں میں عسکریت پسندوں کے چھپے ہونے کی مصدقہ اطلاع ملنے کے بعد، باغیچوں میں پوزیشن سنبھال کر ایمبوش دے رکھا جوں ہی عسکریت پسندوں کا گزر ہوا فورسز اہلکاروں نے زبردست فائرنگ کی جسکی وجہ سے معروف کمانڈر اشفاق احمد صوفی ہلاک ہوا۔

اشفاق احمد صوفی کا تعلق سوپور سے ہے۔

اشفاق نے سنہ 2015 میں عسکریت پسند تنظیم حرکت المجاہدین میں شمولیت اختیار کر لی تھی جسکے بعد اشفاق نے سنہ 2016 میں آئی ایس جے کے میں شمولیت اختیار کی۔

بتایا جارہا کہ ہے کہ اس تنظیم کا یہ آخری فرد تھا۔ اب جموں و کشمیر میں آئی ایس جے کے تنظیم سے کوئی عسکریت پسند وابسطہ نہیں ہے۔