واضح رہے کہ میاں عبدالقیوم کو 4 اگست 2019 کو جموں و کشمیر کی خصوصی آئینی حیثیت دفعہ 370 کو منسوخ کرنے کے حکومتی اعلان سے قبل ہی گرفتار کر لیا گیا تھا۔
بتادیں کہ گزشتہ روز میاں قیوم کو جیل میں دل کا دورہ پڑا تھا جس کے بعد انہیں ہسپتال میں داخل کیا گیا تھا۔
ای ٹی بھارت کے نمائندے کے مطابق میاں قیوم کے اہل خانہ کو آج آگرہ جیل میں ان سے ملنے کی اجازت دی گئی ۔
میاں عبدالقیوم کے اہل خانہ نے لوگوں سے اپیل کی کہ وہ ان کی صحت یابی کے لیے دعا کریں۔
بتادیں کہ جموں و کشمیر ہائی کورٹ سرینگر نے ایک ماہ قبل متعلقہ جیل حکام اور دیگر ایجنسیز کو ہدایت دی ہے کہ وہ میاں عبدالقیوم کی بگڑتی ہوئی صحت کا خیال رکھیں اور انہیں مناسب علاج مہیا کرائیں۔