منریگا ملازمین کا احتجاج

گزشتہ ایک ہفتہ سے تمام جموں و کشمیر کے منریگا ملازمین جو ہڑتال پر ہیں انہوں نے لیفٹیننٹ گورنر ، ایم کے سنہا سے اپیل کی ہے کہ وہ ان کے مسائل حل کریں۔

یہ ملازمین بونیار اوڑی کے قریب جمع ہوئے اور محکمہ دیہی ترقی میں مستقل طور پر ان کی شمولیت کا مطالبہ کرتے ہوئے احتجاجی مظاہرہ کیا۔

انہوں نے حکومت کے خلاف نعرے بازی کرتے ہوئے مستقل ہونے کا مطالبہ کیا۔

بلاک صدر بونیار ، نصیر احمد نے کہا کہ ہم اس وقت احتجاج پر ہے اور ہمارا یہ احتجاج پچھلے دس دنوں سے جاری ہے۔ہمارا قلم بند ہڑتال چل رہا ہے کیونکہ ہمارے ساتھ ناانصافی ہو رہی ہے۔ہم کافی وقت سے محکمہ میں کام کر رہے ہے۔لیکن ابھی تک ہمارے مستقل نہیں کی گئی ہے۔

ہمیں باقاعدہ بنانے کے لئے جموں و کشمیر یوٹی انتظامیہ کو لازمی اقدام کرنا چاہئے۔ اور لیفٹیننٹ گورنر ، ایم کے سنہا سے اپیل کی کہ وہ ذاتی طور پر مداخلت کریں اور ہمیں باقاعدہ بنانے کے احکامات جاری کریں۔