پلوامہ میں محفل مشاعرہ و موسیقی

ضلع پلوامہ میں ڈانگرپورہ کے اونتی پورہ گورنمنٹ اپرپرائمری اسکول میں آج جموں و کشمیر اکیڈیمی آف آرٹ، کلچرل اینڈ لنگویجز اور پلوامہ ڈسٹرکٹ کلچرل سوسائٹی کے زیراہتمام محفل مشاعرہ و موسیقی کا پروگرام منعقد کیا گیا۔

پروگرام میں ضلع پلوامہ کے ادبی حلقوں سے تعلق رکھنے والے افراد کے علاوہ شاعروں اور طلبا کی خاصی تعداد نے شرکت کی۔

محفل مشاعرہ و موسیقی میں تقریباً 20 شعرا نے شرکت کرتے ہوئے اپنا کلام پیش کیا اور اپنے کلام سے انہوں نے سامعین کا دل جیت لیا۔اس موقع پر سیول سوسائٹی پلوامہ کے صدر غلام رسول نے خطاب کرتے ہوئے کہا کہ اس طرح کے پروگرامز کا مقصد کشمیری زبان کی ترقی اور لوگوں کو اس زبان کی جانب راغب کرنا ہے۔