سوپور میں میگا انرولمنٹ میلہ کا اہتمام

ضلع سوپور میں ڈپارٹمنٹ آف ایجوکیشن بارہمولہ کی جانب سے "میگا انرولمنٹ میلہ کا آج اہتمام کیا گیا، اس میلہ کا مقصد تھا کہ بچے گورنمنٹ اسکولز میں داخلہ لے کر تعلیم حاصل کریں۔

شمالی کشمیر کے ضلع بارہمولہ کے سوپور قصبہ کے براٹ کلان علاقے میں محکمہ ایجوکیشن کی جانب سے میگا انرولمنٹ میلہ کا انعقاد کیا گیا جس میں براٹ کلان اور اس کے ارد گرد علاقوں کے بچوں نے بڑی تعداد میں حصہ لیا۔

اس موقع پر مہمان خصوصی چیف ایجوکیشن افسر محترم جی ایم لون نے ای ٹی وی بھارت کے ساتھ گفتگو کرتے ہوئے کہا کہ آج کی تقریب کا مقصد ہے کہ ہم ضلع بارہمولہ کے اسکولوں میں زیادہ سے زیادہ بچوں کا اندراج کریں اور کوئی بھی ناخواندہ نہ رہے۔

ساتویں مرحلے سے قبل جنوبی کشمیر میں انٹرنیٹ خدمات معطل

انہوں نے کہا کہ آج ہم نے سوپور میں کم سے کم چالیس بچوں کا اندراج کیا ہے اور ہماری یہ مہم آگے بھی جاری رہے گی۔ اس پروگرام کا مقصد ہے کہ گورنمنٹ اسکولز میں زیادہ سے زیادہ بچے اندراج کرے اور تعلیم حاصل کریں۔