Marathon Held in Doda ڈوڈہ میں نشا مکت بھارت ابھیان کے تحت میراتھن کا انعقاد

ڈوڈہ میں نشہ مکت ابھیان کے تحت میراتھن کا انعقاد کیا گیا جس میں سینکڑوں نوجوانوں نے شرکت کی۔ ڈوڈہ کے ڈی ڈی سی نے میراتھن کو ہری جھنڈی دیکھا کر روانہ کیا۔ Marathon Held In Doda

ڈوڈہ:ڈی ڈی سی ڈوڈا نے میراتھن کو جھنڈی دکھا کر روانہ کرتے ہوئے طلباء کو مشورہ دیا کہ وہ اپنی صحت کو لے کر محتاط رہیں اور انسداد منشیات کے غلط استعمال کی مہم کے سفیر کے طور پر کام کریں۔ Marathon Held in Doda Under Nasha Mukt Bharat Abhiyan

میراتھن میں مختلف اسکولوں کے سیکڑوں طلبہ نے حصہ لیا۔ میراتھن دوڑ ڈوڈہ کے اسپورٹس اسٹیڈیم سے شروع ہوکر سرکلر روڈ سے ہوتی ہوئی واپس اسپورٹس اسٹیڈیم تک پہنچی۔ میراتھن دوڑ یں شاہین پبلک ایچ آر سیکنڈ اسکول ڈوڈہ کے نکھل کمار نے پہلا، گورنمنٹ ایچ آر کے راہول شرما نے دوسرا نمبر حاصل کیا اور تیسری پوزیشن ایچ آر سیکنڈ اسکول بھرتھ کے وکی شرما نے حاصل کی۔

ڈوڈہ ضلع کے ترقیاتی کمشنر وشیش پال مہاجن نے ایس ایس پی ڈوڈہ عبدالقیوم، سی ای او ڈوڈہ پرشوتم کمار، ڈی وائی ایس ایس او ڈوڈہ جعفر حیدر شیخ اور سول اور پولیس انتظامیہ کے دیگر افسران کی موجودگی میں میراتھن کو جھنڈی دکھا کر روانہ کیا۔

تقریب سے خطاب کرتے ہوئے ضلع ترقیاتی کمشنر ڈوڈا نے کہا کہ اس مہم کا مقصد لوگوں کو منشیات کے استعمال اور منشیات کی اسمگلنگ کے خلاف آواز بلند کرنے کے لئے حوصلہ افزائی کرنا ہے۔ پورے ملک میں نشہ مکت بھارت ابھیان جاری ہے۔ مختلف ریاستوں کی طرح ہمیں اس ابھیان کو کامیاب بنانے کی کوشش کرنی چاہیے۔

انہوں نے کہاکہ نوجوان اگر نشہ مکت ابھیان کا حصہ بنیں گے تو ہمیں سماج کو منشیات سے نجات دلانے میں کامیابی مل سکتی ہے۔ سماج اور نوجوان نسل کو منشایت کی لت سے نجات دلانے کے لیے نشہ مکت ابھیان کو کامیاب بنانے کی ضرورت ہے۔ Marathon Held In Doda Under Nash Mukt Bharat Abhiyan