آلودگی کے سبب اس جھیل کا وجود خطرے میں ہے۔ ہر جانب سے آنے والی غلاظتوں کی وجہ سے جھیل کا پانی زہریلا ہوتا جا رہا ہے۔ اس کی وجہ سے آبی حیاتیات اور مچھلیوں کی کئی اقسام ختم ہوتی جارہی ہیں۔
ای ٹی وی بھارت سے بات کرتے ہوئے مقامی لوگوں اور سیاحوں کا کہنا ہے کہ خودغرض عناصر اس تاریخی جھیل میں کوڑا ڈالتے ہیں جس کی وجہ سے نہ صرف جھیل کا پانی آلودہ ہو رہا ہے بلکہ اس سے مانسبل جھیل مجموعی طور پر اپنی اہمیت کھو رہا ہے-
مانسبل جھیل کی خوبصورتی اور اور اس کا میٹھا پانی ریاست بھر میں مشہور تھا لیکن گزشتہ چند برسوں میں لا پرواہی کے سبب پانی کافی آلودہ ہو چکا ہے-
مانسبل جھیل کی خوبصورتی اور اور اس کا میٹھا پانی ریاست بھر میں مشہور تھا لیکن گزشتہ چند برسوں میں لا پرواہی کے سبب پانی کافی آلودہ ہو چکا ہے-
لوگوں کاکہنا ہے کہ چند برس قبل مانسبل جھیل کا پانی صاف و شفاف تھا اور اسے لوگ اسے اپنی روزمرہ کی ضرورتوں کے لیے استعمال بھی کرتے تھے اور اس میں اعلیٰ اقسام کی مچھلیاں بھی تھیں۔ لیکن اب حالات برعکس ہیں۔
لوگوں نے کہا کہ گندگی اور غلاظت کی وجہ سے سارا پانی گندہ اور بدبودار ہوگیا ہے جس سے سیاحوں کی آمد پر بھی کافی برا اثر پڑ رہا ہے-
ای ٹی وی بھارت سے بات کرتے ہوئے ایک سیاح نے کہا کہ وہ کئی برسوں بعد یہاں مانسبل جھیل کا نظارہ دیکھنے کے لئے آیا تھا اور باہر سے بھی کئی دوستوں کو یہاں مدعو کرنے والا تھا لیکن جھیل کے کناروں پر گندگی اور بدبو سے وہ کافی دلبرداشتہ ہے اور اسے کافی برا محسوس ہوا-
مقامی لوگوں نے گورنر اور مقامی انتظامیہ سے اپیل کی ہے کہ اس تاریخی جھیل کے تحفظ کے لئے ہنگامی نوعیت کے اقدامات کیے جائیں تاکہ اس خوبصورت جھیل کو تباہی سے بچایا جاسکے-
